Қазақстан құрамасы саңыраулар арасындағы футзалдан әлем чемпионатының күміс жүлдегері атанды

Футзал, Футзалдан саңыраулар арасындағы әлем чемпионаты

Сурет: Facebook/DIFADFU21

Малайзияның Куала-Лумпур қаласында құлағында мүкісі бар 21 жасқа дейінгі спортшылар арасында футзалдан 2022 жылғы әлем чемпионаты аяқталды. Финалда қазақстандық футзалшылар Иран спортшыларына жол берді, деп хабарлайды Zakon.kz.

Қазақстан құрамасы шағын топтағы барлық кездесулерін, соның ішінде плей-офф ойындарын да жеңіп, финалға шықты. Дегенмен, "алтын" үшін өткен тартыста спортшыларымыз Иран футзалшыларынан 0:1 есебімен жеңіліп қалды. Осылайша біздің жігіттер алғашқы әлем чемпионатын екінші орынмен аяқтады.

Қазақстан құрамасы топтық кезеңде Қытайды – 11:0, Тайландты – 6:0 және Өзбекстанды – 9:4 есебімен ұтты. Ал Әзірбайжан 1/4 финалда 5:1 есебімен ұтылды. Финалға шығу үшін өткен кездесуде қазақстандықтар турнир қожайындары Малайзиядан 4:3 есебімен басым түсті.

Оқи отырыңыз

Кукушкин мен Сағандықова халықаралық турнирлердің ширек финалына шықты

Әмір Омарханов Грузиядағы ITF Juniors турнирінің абсолютті чемпионы атанды

Аргентиналық жанкүйерлер футбол матчын отшашу мерекесіне айналдырды

Аида Тақабаева

Қызықты