FlyArystan кәмелетке толмағандардың құқығын бұзғаны үшін жауапқа тартылуы мүмкін

Бас көлік прокуратурасы баспасөз қызметінің мәліметінше, тексеру көрсеткендей, авиакомпания халықаралық рейстерге билеттерді сату кезінде 2 жастан 12 жасқа дейінгі кәмелетке толмаған жолаушыларға арнайы 50% жеңілдіктерді қолданбаған.

Мысалы, 2022 жылдың қаңтарынан қазан айлары аралығында халықаралық бағыттар бойынша стандартты тарифтер бойынша 3 мыңнан астам кәмелетке толмағандар тасымалданған.

"Прокуратураның ұсынуы негізінде Азаматтық авиация комитеті авиакомпанияға қатысты Әкімшілік құқық бұзушылық туралы Кодекстің 571-бабының 1-бөлігі бойынша әкімшілік хаттама толтырды", делінген хабарламада.

16 ақпанда жиналған материалдар Алматы қаласының әкімшілік құқық бұзушылықтар жөніндегі мамандандырылған ауданаралық сотымен қаралып, жолаушыларды тасымалдау ережелерін бұзғаны үшін авиакомпанияны әкімшілік жауапкершілікке тарту туралы қаулы қабылданды.

Сот актісі заңды күшіне енген жоқ.

Оқи отырыңыз

Пара алу және беру қылмысы бойынша Алматы мен Астана көш бастап тұр

13:30, 27 наурыз 2023

Жемқорлықпен сотталған Алматы экология департаментінің қызметкерлері 265 млн теңге айыппұл төлеуі керек

14:19, 20 наурыз 2023

"Астана – көгалдандыру құрылысы" ЖШС бас директорына 185 миллион теңге мөлшерінде айыппұл салынды

10:17, 10 наурыз 2023