Ақтөбе облысында 47 жастағы әйел жұмысқа кетіп, оралмаған: мәйіті көліктен табылды

Ақтөбе облысында жұмысқа кетіп, кейін оралмаған 47 жастағы әйелдің мәйіті көліктен табылды, деп хабарлайды Zakon.kz.

Полиция қызметкерлері 25 ақпанда жедел-тергеу іс-шаралары кезінде 29 жастағы күдіктіні анықтап, ұстады. Оның автокөлігінен пышақ жарақаты бар, зорлықпен өлтірілген, жоғалған әйелдің мәйіті табылды. Polisia.kz

Осы дерек бойынша ҚР Қылмыстық кодексінің 99-бабы "Кісі өлтіру" бойынша сотқа дейінгі тергеу басталды.

Қылмыстың мән-жайы анықталып жатыр. Күдікті қамауға алынды.