Израильде сот реформасына қарсы шеру болды

Сурет: pixabay

Израильде сот реформасына қарсы шеруге шыққандарды полиция күшпен таратты. Ел президент Ицхак Герцог үкімет пен оппозицияны диалогқа үндеп, ел конституциялық және әлеуметтік күйреу алдында тұрғанын ескертті, деп хабарлайды Zakon.kz.

Демонстранттарды тарату үшін тәртіп сақшылары құлақ тұндыратын гранаталар мен су атқыштарды қолданды, деп мәлімдеді Qazaqstan телеарнасы. Олар Тель-Авивтегі көлік жолдарын жауып тастаған еді.

Биньямин Нетаньяху үкіметінің сот жүйесін өзгертуге бағытталған қадамдарына наразылық бірнеше аптадан бері тыйылмай жатыр. Демонстранттардың пікірінше, бұл реформа соттардың тәуелсіздігіне, Израиль демократиясына нұқсан келтіреді.

Ал министрлер болса, жаңа заң билік тармақтары арасындағы тепе-теңдікті қалпына келтіруге көмектеседі деп мәлімдеді. Олар шеруге қатысушыларды анархистер деп атады.

Оқи отырыңыз

Disney компаниясы 7 мың қызметкерін жұмыстан шығара бастады

Түркиядағы президент сайлауына төрт үміткер қатысуға рұқсат алды

АҚШ-та 28 жасар әйел алты адамды атып тастады

Аида Тақабаева

Қызықты