Жаңалықтар тізбегі
0

Парламент азаптаудың алдын алуға қатысты заң жобасын мақұлдады

Қазақстан парламенті азаптаудың алдын алуға қатысты заң жобасын мақұлдады, сурет - Zakon.kz жаңалық 09.03.2023 13:27 Сурет: Zakon.kz
Сенаторлар азаптаулардың және өзге де қатыгез, адамгершілікке жатпайтын немесе ар-намысты қорлайтын әрекеттердің алдын алу мәселелері бойынша түзетулерді екі оқылымда мақұлдады. Құжат мемлекет басшысына қол қоюға жіберілді, деп хабарлайды Zakon.kz.

Қылмыстық сот төрелігі, жазаны өтеу, сонымен қатар азаптау және басқа да қатыгез, адамгершілікке жатпайтын немесе ар-намысты қорлайтын әрекеттердің алдын алу саласындағы адам құқықтары туралы заң жобасын Ішкі істер министрі Марат Ахметжанов таныстырды. Оның айтуынша, ұлттық заңнама БҰҰ-ның азаптауларға және басқа да қатыгез, адамгершілікке жатпайтын және ар-намысты қорлайтын іс-әрекеттер мен жазаларға қарсы конвенциясына сәйкестендіріліп жатыр.

"Қылмыстық кодекстің 146-бабы («Азаптау») «қатыгездік немесе ар-намысты қорлайтын әрекеттер жасау» бабына жаңа қылмыстық құрам енгізілді. Құзыреттілікке сәйкес: 1-бөлігін Ішкі істер департаменті анықтау нысанында (ұсақ емес ауырлықтағы) тергейді. ) ҚК-нің 110-бабына ұқсас 2-бөлігі прокуратураның айрықша құзыретіне жатады. Азаптауға қатысы жоқ қатыгез, адамгершілікке жатпайтын немесе ар-намысты қорлайтын іс-әрекеттер бойынша 3 және 4-бөліктерді ІІО тергейді. Бұл азаптау мен қатыгездік көрсету жағдайларын ажыратуға, оларды жасағаны үшін жауапкершіліктің болмауына байланысты заңнамадағы олқылықты жоюға мүмкіндік береді".Марат Ахметжанов

Кейін сенаторлардың сауалдарына жауап берген ІІМ басшысы биыл барлық колония бейнебақылаумен 100 пайыз қамтамасыз етілетінін айтты.

"72 мекеменің 63-і қазірдің өзінде толықтай бейнебақылауға алынған. Біз мемлекеттік сатып алуды аяқтадық. Әрине, бейнебақылау сотталғандардың да, біздің қызметкерлердің де мінез-құлқын түзейді. Мұның бәрі жазылатындықтан, оның бәрін дәлел түрінде көріп отырмыз. Егер жала жабылса, енді камерадан бәрін көрсетіп, дәлелдей алады. Біздің Қылмыстық іс жүргізу кодексіне сәйкес, бейнедәлел түріндегі кез келген нақты дерек айғақ болып есептеледі".Марат Ахметжанов

Тиісті комитеттің қорытындысында заң жобасында азаптаған адамдарға шартты жаза қолдануды алып тастайтыны айтылады.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: