Гимнасшы қызымыз Елжана Таниева Испаниядағы Гран-придің қола жүлдегері атанды

Қазақстандық спортшы Елжана Таниева Испанияның Марбелья қаласында көркем гимнастикадан өткен Гран-при жарысында үздік үштікке енді, деп хабарлайды Zakon.kz.

Елжана Таниева доп жаттығуының финалында 32.900 ұпаймен үшінші орын алды.

Бірінші және екінші орынды Болгариядан келген спортшы қыздар иеленді:  Стиляна Николова (35.700), Ева Брезалиева (33.600).

Осы Гран-придің басқа түрлерінен Елжана Таниева ең мықты 8 гимнасшының қатарына енді: құрсаумен (6 орын) және ұршықпен (7 орын).

26 ақпанда Таниева 2023 жылы Эстонияда өткен Гран-при турнирінде күміс жүлдегер атанды.