Тоқаев жерді пайдалану мен қорғауға мемлекеттік бақылауды күшейтетін заңға қол қойды

Мемлекет басшысы «Қазақстан Республикасының Әкімшілік құқық бұзушылық туралы кодексіне өзгерістер мен толықтырулар енгізу туралы» Қазақстан Республикасының Заңы, жер , сурет - Zakon.kz жаңалық 15.03.2023 17:20

Сурет: pexels

15 наурыз күні мемлекет басшысы Қасым-Жомарт Тоқаев "Қазақстан Республикасының Әкімшілік құқық бұзушылық туралы кодексіне өзгерістер мен толықтырулар енгізу туралы" Қазақстан Республикасының заңына қол қойды, деп хабарлайды Zakon.kz.

Заңның негізгі мақсаты – жер қатынастары саласында заңдылықтарды бұзу бойынша жергілікті атқарушы органдардың лауазымды тұлғаларының жауапкершілігін арттыру және жер пайдалануды мемлекеттік бақылауды жүзеге асыратын органға аталған мәселелерге қатысты әкімшілік істерді қарау өкілеттіктерін беру.

Жалпы, заң жекелеген баптар бойынша жер заңнамасын бұзғаны үшін әкімшілік жауапкершілікті нақтылауға бағытталған.

Сонымен қатар жерді пайдалануға мемлекеттік бақылауды іске асыратын органдардың өкілеттіктерін қайта қарау көзделген.

Заң сыбайлас жемқорлық тәуекелдерін азайтып, жерді пайдалану мен қорғауға мемлекеттік бақылауды күшейтеді.

Оқи отырыңыз