Жаңалықтар тізбегі
0

Қобда ауданында су тасқынынан зардап шеккендерге салынатын үйлердің қазығы қағылды

Ақтөбе облысы, сурет - Zakon.kz жаңалық 22.03.2023 16:48 Сурет: Ақтөбе облысы әкімдігінің баспасөз қызметі
Бүгін, 22 наурызда Ақтөбе облысының әкімі Ералы Тоғжанов жұмыс сапарымен Қобда ауданының Қобда ауылына барып, су тасқынынан зардап шеккендерге арналып салынып жатқан 24 үйдің құрылыс жоспарымен танысты, деп хабарлайды Zakon.kz.

Жаңа үйлер Қобда ауылының Жаңақоныс шағын ауданында бой көтереді. Барлық инфрақұрылым бар, көгілдір отын, ауызсу, электр қуаты тартылған. Үйлер биылғы 1 маусымында пайдалануға беріледі деп жоспарланып отыр. Бұл Ақтөбе облысы әкімдігінің баспасөз қызметі хабарлады.

Ералы Тоғжанов құрылыс алаңына жиналған қобдалықтармен жүздесіп, Наурыз мейрамымен тұспа-тұс келген бүгінгі бастаманың маңызына тоқталды.

"Қобда ауылында болған табиғи апатқа қарамастан, біз бірлігіміз, ынтымағымызды көрсетіп, үлкен істі бастағалы отырмыз. Міне, бүгін Наурыз мейрамында үйлердің қазығы қағылды. Құрылыс барысында өздеріңізбен бірге боламын. Көп созбай, екі айдың ішінде құрылысты бітіреміз. Осындай істе бір-бірімізді демесек, еліміз тұрақты дамиды". Ақтөбе облысының әкімі Ералы Тоғжанов

"Сол қиын күндерді басымыздан өткердік. 20 жыл Қобда ауылында тұрсам да, бірінші рет су тасқынын көрдім. Үйім жарамсыз болып қалды. Үйді осы Жаңақоныс шағын ауданынан саламыз дегенде қуандым. Өйткені газ, су, жарығы тартылған. Үйдің жоспарын көрдім. Өте кең, әдемі болады деп ойлаймын. Қоныстанған соң қожалық ашып, мал бағуды ойлап отырмын", - деді ауыл тұрғыны Жаңабай Шәріпұлы.

Аумағы 100 шаршы метрді құрайтын біртиптік үйлердің құрылысымен бес мердігер, атап айтқанда "Бабек-Құрылыс", "Ұлан", "Альянс Сервис", "СтройКомСервис", AiserStroyService компаниялары айналысады.

"Өңір басшысымен тапсырмасымен Қобда ауылында болған төтенше жағдайға байланысты үй салуды бастаймыз. Бір үйдің аумағы - 100 шаршы метр. Төрт бөлмелі, іші таза әрлеумен болады. Қазіргі таңда жергілікті құрылыс мекемелеріне бес үйден бөліп беріп жатыр. Жоспар бойынша үйлер екі айдың ішінде аяқталады". AiserStroyService компаниясының бас директоры Айдын Есмұханов

Сонымен бірге Қобда ауылының шаруа қожалықтары да үй тұрғызуға ынталы. Мәселен, "Бәйтерек" және "Алтын дала" шаруа қожалықтары ауылдағы жас маман – ветеринардың баспанасын салуға көмектеседі. Мұндағы мақсат – ауылда жас мамандардың қалуына сеп болу, жағдай жасау.

Жалпы Қобда ауылында әлі де төтенше жағдай режимі сақталып отыр. 24 үй төтенше жағдайға қарастырылған бюджетке салынады.

Су тасқыны кезеңінде Қобда ауылында 78 үй, 22 аула аумағы еріген қар суының астында қалды. Залалды бағалау жөніндегі комиссияның алдын-ала мәліметтеріне сәйкес, 7 үй қалпына келтірілмейді, 4 үйдің қабырғалары құлаған, олар апатты деп танылды, 13 үй суда тұр.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: