Атбасарда итті сойғандар ұсталды

7 сәуірде Атбасарда учаскелік полиция инспекторы жергілікті тұрғындардың итті сойғанын анықтады, деп хабарлайды Zakon.kz polisia.kz-ке сілтеме жасап.

Polisia.kz хабарына қарағанда, түнде екі адам көшеде итті байқап, оны тамаққа пайдалану шешімін қабылдағаны алдын-ала анықталды. 

Олар итті пышақпен өлтіріп, етін мүшелеп, үйге алып кеткен, ал қалған бөлігі оқиға орнында қалған.

Бұл факт ҚР Қылмыстық кодексінің 316-бабы 3-бөлігі (Жануарларға қатыгездік) бойынша сотқа дейінгі тергеп-тексерудің бірыңғай тізілімінде тіркелген.

Одан әрі тергеу әрекеттері барысында иттің сүйектері табылып, тәркіленді, қала тұрғындары қылмыс жасағанын мойындады. Қазіргі уақытта оқиғаны тергеу жүріп жатыр.