Петропавлда автобус жолаушысы жүргізушіні талдырып тастады

Петропавл, автобус, жолаушы, жүргізуші, қоғамдық тәртіп, сурет - Zakon.kz жаңалық 10.04.2023 12:51

Сурет: видеодан скрин

8 сәуірде Петропавлдағы жолаушылар автобусының салонында аяғы қайғылы жағдайға әкеп соқтыра жаздаған оқыс оқиға болды, деп хабарлайды Zakon.kz.

Өңірдегі полиция қызметінің мәліметінше, 5 "М" бағытындағы автобус жолаушысы аялдамадан өтіп кеткендіктен, жолақысын төлемей, ортаңғы есіктен шықпақ болған.

Автобус тоқтаған кезде ол жүргізушіні тұншықтырып, тағы бір жолаушыны тепкілей жөнелген.

Назар аударыңыз! Бейнежазбада балағат сөздер айтылған!

Посмотреть эту публикацию в Instagram

Публикация от ДТП Петропавловск Казахстан (@dtp_sko)

"Бұл факті бойынша полиция қызметкерлері облыс орталығының 67 жастағы тұрғынын ұстады". СҚО ПД баспасөз қызметі

Бұзақылық фактісі Сотқа дейінгі тергеп-тексерулердің бірыңғай тізіліміне ҚР Қылмыстық кодексінің 293-бабының 1-бөлігі ("Бұзақылық") бойынша тіркелді, деп толықтырды ПД.

"Қазіргі уақытта тергеу жүріп жатыр, болған оқиғаның барлық мән-жайы анықталуда, соның нәтижесінде түпкілікті шешім қабылданады". СҚО ПД баспасөз қызметі

Оқи отырыңыз