ҰБТ-ға калькулятор алып кіруге бола ма

ҰБТ, Ұлттық тестулеу орталығы, калькулятор, түлек, сурет - Zakon.kz жаңалық 16.05.2023 17:14

Сурет: pixabay

Ұлттық тестілеу орталығының директоры Руслан Емелбаев Instagram парақшасы арқылы ҰБТ-ға қатысушылардың тестілеуге не алып кіргуе болатыны жөніндегі сұрағына жауап берді, деп хабарлайды Zakon.kz.

Ол әлі күнге дейін ҰБТ тапсырушылардан "Direct пен пікірге тестілеуге өзіммен бірге калькуляторды алып келсем бола ма? деген сұрақтары келіп жатқанын атап өтті.

"Сондықтан бұл туралы ҰБТ алдында тағы бір мәрте естеріңізге сала кетсем. Тестілеуге еке куәлік, қалам, су және шоколадтан басқа ешнәрсе алып келуге болмайды".Руслан Емелбаев

Посмотреть эту публикацию в Instagram

Публикация от Ruslan Yemelbayev (@ruslan_yemelbayev)

Оның сөзінше, тестілеу компьютерінде математика,математикалық сауаттылық, физика, информатика, география, биология пәндері бойынша электронды калькулятор ұсынылады.

"Сондай-ақ компьютер экрандарында Менделеев және тұздар ерігіштігі кестелері, Бекетов қатары қолжетімді болады. Ал түлектердің қалауы бойынша Менделеев және тұздар ерігіштігі кестелерінің қағаз нұсқаларын өзіміз шығарып, қолдануға береміз. Бәрі сіздердің ыңғайлықтарыңыз үшін, алайда академиялық адалдық туралы да ұмытпаған жөн. Сәттілік!", – деп жазды Ұлттық тестілеу орталығының директоры.

Биылдан бастап талапкерлер негізгі ҰБТ кезінде Менделеев және тұздар ерігіштігі кестесінің электронды нұсқасын да, қағаз нұсқасын да қолдана алады. Кестелердің қағаз нұсқасы тест тапсырушыларға ҰБТ кезінде таратылады.