Жаңалықтар тізбегі
0

Мәжіліс төрағасы Гейдар Әлиевтің 100 жылдығына арналған жиында сөз сөйледі

Жұмыс сапары, сурет - Zakon.kz жаңалық 16.05.2023 20:47 Сурет: Ж.Жұмабеков
16 мамырда ҚР Мәжіліс төрағасы Ерлан Қошанов Гейдар Әлиевтің 100 жылдығына арналған іс-шараларға қатысу үшін Әзербайжан астанасы Бакуге жұмыс сапармен барды, деп хабарлайды Zakon.kz.

16 мамырда Бакуде Әзербайжан Республикасы Милли Меджлисінің Гейдар Әлиевтің 100 жылдығына орай арнайы отырысы өтті. Басқосуға 30-дан астам елдің Парламент өкілдері, парламентаралық ұйымдар, Парламентаралық одақ, Араб Парламенті, ТүркПА және Қара теңіз экономикалық ынтымақтастығы Парламенттік Ассамблеясының өкілдері қатысты.

Жиында сөз сөйлеген Ерлан Қошанов отырысқа қатысушыларға және барша Әзербайжан халқына Қазақстан Президенті Қасым-Жомарт Тоқаевтың жылы лебізін жетікізді. Сондай-ақ, Гейдар Әлиевтің Қазақстан мен Әзербайжан арасындағы қарым-қатынастың қалыптасуындағы орасан зор рөліне назар аударды.

"Қазақстанда Гейдар Әлиев біздің елге және қазақ халқына деген шынайы бауырластық пейілімен белгілі. Ол екі ел арасындағы берік достық қарым-қатынасты дамытуға бар күш-жігерін жұмсады. Гейдар Әлиев әрдайым қазақ ұлты туралы айрықша көзқараста болып, түп-тамырымыз бен ортақ бай рухани мұраларымыз туралы айтатын".ҚР Парламенті Мәжілісінің төрағасы Ерлан Қошанов


Жұмыс сапары, сурет - Zakon.kz жаңалық 16.05.2023 20:47

Сурет: Ж.Жұмабеков


Сондай-ақ Ерлан Қошанов осы жылдың сәуір айында Астана қаласында өткен Гейдар Әлиев атындағы жаңа көшенің салтанатты ашылу рәсімі туралы мәлімет берді.

"Бұл іс-шараға Қазақстан мен Әзербайжан көшбасшылары Қасым-Жомарт Тоқаев пен Ильхам Әлиев қатысты. Көшенің ашылу салтанатында біздің Президентіміз: "Гейдар Әлиев секілді әлемдік деңгейдегі тұлғаның атын ұлықтау – біздің парызымыз. Астанада оның есімімен аталған жаңа көшенің ашылуы – біздің осы игі іске қосқан маңызды үлесіміз. Әзербайжан халқының ұлы перзентіне деген зор ілтипатымыз әрі шынайы құрметіміз" деп ерекше атап өткен болатын", – деді Мәжіліс төрағасы.


Жұмыс сапары, сурет - Zakon.kz жаңалық 16.05.2023 20:47

Сурет: Ж. Жұмабеков


Ерлан Қошанов парламентаралық байланыс бауырлас елдеріміздің жан-жақты ынтымақтастығын нығайтуда маңызды орын алатынын айтты. Әзербайжанның Милли Меджлисінің бүгінгі іс-шарасы қазіргі қарым-қатынастардағы парламенттік дипломатияның рөлі ерекше екенін көрсетеді.

Одан кейін Мәжіліс төрағасы Әзербайжан Республикасы Милли Меджлисінің спикері Сахиба Гафаровамен кездесті. Спикерлер Ильхам Әлиевтің жақында Астанаға ресми сапары кезінде Қазақстан мен Әзербайжан басшылары қол жеткізген уағдаластықтарды іске асыруға екі ел депутаттарының атсалысу мүмкіндігін талқылады.


Жұмыс сапары, сурет - Zakon.kz жаңалық 16.05.2023 20:47

Сурет: Ж. Жұмабеков


"Бұл өте жемісті де маңызды сапар болды. Шынайы достар мен бауырлардың кездесуі деуге болады. Біздің халықтарымызды жақындататын біраз іс-шара өтті және бірқатар салада маңызды құжаттарға қол қойылды. Біз, екі елдің парламентшілері, көшбасшыларымыз қабылдаған осы үлкен шешімдерді іске асыруға барынша үлес қосуымыз керек", – деді Мәжіліс спикері.

Делегация құрамына Қазақстан Республикасы Парламенті Мәжілісі мен Сенатының депутаттары кірді.


Қазақстандық делегация, сурет - Zakon.kz жаңалық 16.05.2023 20:47

Сурет: Ж. Жұмабеков


Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: