Семейде 1 маусым - Халықаралық балаларды қорғау күні жоғары деңгейде аталып өтуде
Сурет: Семей қаласы әкімдігінің баспасөз қызметі
Биылғы жылы Семей қаласының барлық мектептерінде соңғы
қоңырау 1 маусым күні соғылды.
Семей қаласының әкімі Нұрбол Нұрсағатов Шәкәрім мектеп-гимназиясында өткен шараға қатысып, ұстаздар мен оқушыларды, мектеп түлектерін құттықтап, ақ жол тіледі.
Сурет: Семей қаласы әкімдігінің баспасөз қызметі
Қаламызда биылғы оқу жылын 68 мектеп бойынша 1937 түлек тәмамдады. Олардың ішінде 60 түлек "Алтын белгіге" үміткер, ал 155 түлек "Үздік аттестат" иегері атануға үмітті.
Сурет: Семей қаласы әкімдігінің баспасөз қызметі
Қала әкімі Нұрбол Нұрсағатов мерекеге орай "Семей қаласының мамандандырылған балалар үйіне" барды. Балаларға қаламыздың аниматорлары, ертегі кейіпкерлері театрландырылған қойылым мен өнер көрсетті.
Мерекеге орай, "Абай облысы Семей қаласының арнаулы әлеуметтік қызметтер көрсету орталығы" КММ-де күндізгі бөлімшесінің ұйымдастыруымен "Балалық шақ - ертегі әлемі!" атты шара өтті.
Сурет: Семей қаласы әкімдігінің баспасөз қызметі
Сондай-ақ, Семей қаласындағы "Қарағайлы" ықшам ауданынан халықтың әлеуметтік осал топтарына жататын 27 отбасыға, көпбалалы және жетім балаларға көпқабатты тұрғын үй пәтерінің кілті табыс етілді.
Сурет: Семей қаласы әкімдігінің баспасөз қызметі
Мерекелік бағдарламалар Ертіс жағалауында, Арена мәдени-спорт кешенінде, Әуезов алаңында, Арбатта жалғасын тапты.
