Таиландта зардап шеккен қазақстандық қалыңдығын құтқарамын деп суға батқан

Артурдың әпкесі оқиғаның қалай болғанын жазды. Оның үндеуі Facebook-те пайда болды.

"Қазір бізге Таиландтағы дәрігерлермен сөйлесетін реаниматолог дәрігерлер қажет, өйткені олардың жеке емдеу хаттамалары бар. Шұғыл репост жасауларыңызды өтінемін! Менің інім Ысқақов Артур Таиландқа қалыңдығымен бірге демалысқа ұшып кетті. Олар суға түскен кезде теңізде күшті толқын басталған, оның қызы суға бата бастаған, әрине, інім оны құтқармақшы болған, ол оны құтқарған, бірақ өзін толқын тартып алған, - деп жазды зардап шеккен қазақстандықтың әпкесі Алина.

Қазір Артурдың туыстары мен жақындары оны Қазақстанға жеткізуге тырысып жатыр.

"Біз Артурды Қазақстанға жеткізуді сұраймыз, өйткені Таиландтағы ауруханаға шетелдікті қарау тиімді емес және олар мұны барлық жағынан түсіндірді. Жергілікті БАҚ Артурдың мерт болғаны туралы ақпарат таратып үлгерді, алайда бұл олай емес! Қазақстанның Сыртқы істер министрлігі мен ҚР Денсаулық сақтау министрлігінен Артурды медициналық авиация арқылы еліне тезірек жеткізуге көмектесуін сұраймыз!" - деп жазды әпкесі Алина.

Еске салайық, бұған дейін Таиландта теңізге түскен қазақстандық көп су жұтып қойғанын хабарлаған едік.

Сыртқы істер министрлігінің хабарына қарағанда, Қазақстан азаматының жағдайы ауыр, қазір комада жатыр. Ол жергілікті биліктің ескертуіне және тыйым салуына қарамастан, теңізге түсіп, көп су жұтып қойған. Кейінгі күндері Пхукетте қатты толқындар көтеріліп, жағалауға қызыл жалаулар шығарылған.

Оқи отырыңыз

Құлсарыда санитарлық тазарту басталды

17:10, 01 мамыр 2024