Провайдерлер Қазақстанның солтүстігі мен шығысындағы ұялы байланыстағы ақау себебін анықтап жатыр

Kcell, интернет, ұялы байланыс, сурет - Zakon.kz жаңалық 17.07.2023 09:50

Сурет: pexels

Астана, Қарағанды және Қазақстанның басқа да бірқатар қаласының тұрғындары ұялы байланыс пен интернетке қосылу қиындағанын айтып, шағымдануда. Провайдерлер байланыстың үзілу себебін анықтап жатыр, деп хабарлайды Zakon.kz.

17 шілдеде Kcell баспасөз қызметі Қазақстанның кейбір өңірінде ұялы байланыс пен интернетке қосылуда ақаулар бар екенін растады. Енді провайдер мәселенің себебі неде екенін анықтайды.

"Компания қызметкерлері Қазақстанның солтүстік және шығыс бөлігіндегі бірқатар қалада дерек жіберу қызметі жоқ екенін анықтады. Қазіргі уақытта біздің мамандар қызметті жылдам қалпына келтіру үшін ақау себебін анықтап жатыр", – деп хабарлады Kcell компаниясының баспасөз қызметі.

Интернет қолданушылардың пікірінше, тек Kcell абоненттері ғана қиындықтарға тап болған жоқ. Zakon.kz басқа ұялы байланыс операторлары мен интернет-провайдерлерден түсініктеме күтеді.

Оқи отырыңыз