Тоқаев: Қазақстан Транскаспий халықаралық көлік дәлізін одан әрі дамытуға баса мән береді

zakon.kz, сурет - Zakon.kz жаңалық 20.07.2023 00:03

Фото: zakon.kz

Қазақстан 2030 жылға қарай Транскаспий халықаралық көлік дәлізі арқылы жыл сайын 500 мың контейнерге дейін жүк жеткізеді, деп хабарлайды Zakon.kz.

Бұл туралы Президент Қасым-Жомарт Тоқаев "Орталық Азия + Шығанақтағы араб мемлекеттерінің ынтымақтастық кеңесі" бірінші саммитінде сөйлеген сөзінде айтты.

"Қазіргі таңда мемлекеттеріміз көлік бағыттарын әртараптандыру үшін белсенді шаралар қабылдап жатыр. Түрлі инфрақұрылымдық және логистикалық жобалар қолға алынып жатыр. Қазақстан Транскаспий халықаралық көлік дәлізін одан әрі дамытуға баса мән береді. Біз бұл бағыт арқылы жүк тасымалын дәйекті түрде ұлғайтуға мүдделіміз. 2030 жылға қарай жыл сайын 500 мың контейнерге дейін жүк жеткізуді жоспарлап отырмыз. Бұдан бөлек, еліміз "Солтүстік – Оңтүстік" халықаралық көлік дәлізін дамыту бойынша шаралар қабылдап жатыр".Қасым-Жомарт Тоқаев

Оқи отырыңыз