Үндістанда табиғи апат салдарынан 35 адам опат болды
Сурет: видеодан алынды
Синьхуа агенттігінің хабарлауынша, бірнеше округте қатты жауын-шашын болып, еңіс жерлерді су басып, тас жол және теміржол қатынастары бұзылды.
Штаттың бас хатшысы қазір зардап шеккен аудандардағы құтқару операциясы аяқталғанын және негізгі қызметтерді қалпына келтіруге баса назар аударылып жатқанын атап өтті.
"175-ке жуық елдімекенде тас жолдар бүлініп, оның 140-ында қалпына келтіру жұмыстары аяқталды. Қалғанында жөндеу жұмыстары әлі жалғасып жатыр. Басқа қызметтер, мәселен, сумен қамтамасыз ету де қалпына келтірілуде. Су беру жүйесі толық бұзылған жерлерге суды цистернамен жеткізуді ұйымдастырдық", - деді ол.
Тасқын судан зардап шеккен 50 мыңға жуық адам қауіпсіз орындарға эвакуацияланды. Су тасқыны мен нөсер жаңбыр 3,7 мың лашық пен 170 баспанаға зақым келтірді. Сонымен қатар 183 мың гектар аумақтағы егістікті су басты. Үкіметтік топтар залал шығынын есептеп жатыр.
Тамилнадтағы тасқын ай басында штаттағы Ченнаи мен оған етене жақын орналасқан үш округке төнген "Мичаунг" циклоны салдарынан енді есін жиып жатқанда жағдайды одан сайын қиындатуда.
VIDEO: People are forced to wade through knee-high water in Chennai's streets after intense rainfall in southern India triggered deadly floods, with local media reporting more than 10 deaths.
— AFP News Agency (@AFP) December 21, 2023
Hundreds remain stranded in the state of Tamil Nadu as water submerges roads, with… pic.twitter.com/hit9jLJQrj
