Нью-Йоркте тікұшақ апатында Siemens компаниясының басшылық қызметіндегі маман қайтыс болды

11 сәуірде Нью-Йорктегі тікұшақ апатында бүтін бір отбасы, атап айтқанда Siemens неміс концернінің испандық бөлімшесінің басшысы жанұясымен бірге қаза тапты, деп хабарлайды Zakon.kz.

Бірнеше сағат бұрын тікұшақ апатқа ұшырап, Нью-Йоркке қарама-қарсы орналасқан Джерси-Сити қаласындағы Гудзон өзеніне құлаған болатын. New York Post басылымының жазуынша, құлаған Bell 206L тікұшағында алты адам болған. Нақтырақ айтқанда, Агустин Эскобар мен оның әйелі және ұшқыш пен Эскобардың үш баласы.

Ya han sido identificadas las victimas del accidente de helicóptero en el rio Hudson de Nueva York;

Se trata del presidente de la filial española de la empresa tecnológica Siemens, Agustín Escobar, junto con su esposa y tres hijos pic.twitter.com/JSh7URsvmY

— Just Data (@JustDataHub) April 11, 2025

Бұл ретте, ұшқыштың аты-жөні әлі анықталмаған.

Бұған дейін жапондық құтқару тікұшағының егде жастағы науқасты тасымалдау кезінде теңізге құлап кеткендігі хабарланған болатын.