Дағыстанда теракт кезінде зардап шеккендердің жағдайы қандай

Дағыстандағы адам құқықтары жөніндегі уәкіл Запир Алхасов жуырдағы қарулы шабуылдар кезінде зардап шеккен 16 адам Махачкаладағы екі медициналық мекемеде жатқанын айтты, деп хабарлайды Zakon.kz.

Бұл туралы оның Telegram-дағы арнасында ақпарат жарияланды.

Оның айтуынша, А. В. Вишневский атындағы республикалық клиникалық ауруханадағы алты науқастың бесеуі – құқық қорғау органдарының қызметкерлері, сондай-ақ бейбіт тұрғын - бір әйел бар. Зардап шеккендердің бірінің жағдайы - тұрақты ауыр, қалғандарынікі - тұрақты, олардың жағдайлары түзеліп келеді.

24 маусымда Махачкала мен Дербентке жасалған қарулы шабуылдың салдарынан алты полицейдің қаза тапқаны белгілі болды. Соңғы мәліметтер бойынша, 15-тен астам полиция қызметкері, сондай-ақ бірнеше бейбіт тұрғын, соның ішінде Орыс православие шіркеуінің діни қызметкері лаңкестік әрекеттердің құрбаны болды.

24 маусымда Қасым-Жомарт Тоқаев Дағыстандағы шабуылдарға байланысты Путинге көңіл айтты.