Кепілден босатылған Израиль азаматтары жақындарымен қауышты

Хамас кепілге алған үш қызды босатты. Олар отбасымен табысып, артынша медициналық көмек алу үшін ауруханаға жеткізілді, деп хабарлайды Zakon.kz.

Бұл туралы Цахалдың баспасөз қызметі өздерінің Telegram арнасында мәлімдеді.

"Кепілден босатылған үш қыз аналарымен бірге ауруханаға жеткізілді, онда олар қалған жақындарымен қайта қауышып, медициналық көмек алады", – делінген ақпаратта.

Reunited at last. pic.twitter.com/l91srqby5c

— Israel Defense Forces (@IDF) January 19, 2025

Times of Israel басылымының дерегінше, қыздар Израильдің орталық бөлігіндегі Рамат Ган қаласының Тель-А-Шомер ауданындағы "Шиба" медициналық орталығына жеткізілді.

This is what we’ve been fighting for, for over 471 days. Welcome home Emily, Doron and Romi 🇮🇱 pic.twitter.com/VIXyaP1ntY

— Israel Defense Forces (@IDF) January 19, 2025

Айта кетейік, 471 күн тұтқында болған Роми Гонен (24 жаста), Эмили Дамари (28 жаста) және Дорон Штайнбрехер (31 жаста) "Қызыл крест" халықаралық ұйымына тапсырылған болатын.

Бұл ретте Израиль келісім бойынша 90 Палестина азаматын түрмеден шығарады.

Бұған дейін Израиль мен ХАМАС арасындағы атысты доғару туралы келісім өз күшіне енгендігі хабарланған болатын.