Еуропада Украина бойынша тағы бір шұғыл саммит өтпек

Еуроодақ басшылары Брюссельде Украина мен Еуропадағы қорғаныс бойынша кезекті шұғыл саммит өткізеді, деп хабарлайды Zakon.kz.

Бұл жайлы ЕО кеңесшісі Антонио Кошта 23 ақпанда өзінің Х парақшасында мәлімдеді. Оның айтуынша, саммит 6 наурызға жоспарланған. Күн тәртібіндегі негізгі мәселе, Украина жағдайы мен Еуропадағы қорғаныс қауіпсіздігі.

"Мен 6 наурызда Еуроодақ басшыларын жинап, кеңес өткізуге шешім қабылдадым. Біз қазір Украина және Еуропадағы қауіпсіздік бойынша шешуші сәтті бастан өткерудеміз",- деп жазды саясаткер.

Кошта кеңес кезінде келесі мәселелерді шешуге дең қойылатынын атап өтті.

• еуропадағы қорғанысты нығайту;
• құрлықтағы бейбітшілікке шешуші үлес;
• Украинадағы қауіпсіздік кепілдіктері.

Ол сондай-ақ Еуроодақ басшысы Урсула фон дер Ляйенмен және ел басшыларымен 6 наурызда шешім қабылдауға дайын болу үшін жұмысын жалғастыратынын атап өтті.

I have decided to convene a special European Council on 6 March.

We are living a defining moment for Ukraine and European security.

In my consultations with European leaders, I’ve heard a shared commitment to meet those challenges at EU level: strengthening European Defence…

— António Costa (@eucopresident) February 23, 2025

Алғашқы шұғыл саммит 17 ақпанда Парижде Франция президенті Макронның бастамасымен өткен болатын.