Наразылықтар өршуде: Дональд Трамптың әкімшілігі Лос-Анджелеске Ұлттық гвардияның екі мың сарбазын жіберді

Лос-Анджелесте заңсыз мигранттарға қарсы рейдтерге байланысты өткен наразылық шаралары кезінде қақтығыстар болды. Осыған байланысты АҚШ президенті Дональд Трамптың әкімшілігі қалаға екі мың Ұлттық гвардия сарбазын жіберді, деп хабарлайды Zakon.kz.

Алайда Калифорния штатының губернаторы Гэвин Ньюсом бұл шешімге қарсы шығып, Пентагон басшысы Пит Хегсеттенға Ұлттық гвардияны орналастыруды тоқтатуды талап етті. Ол мұны штаттың егемен құқығын бұзу деп атады.

"Мен ресми түрде Дональд Трамп әкімшілігінен Лос-Анджелес округіне заңсыз түрде жіберілген сарбаздарды кері қайтарып, оларды менің қарауыма беруді талап еттім", – деп жазды Ньюсом әлеуметтік желіде.

I have formally requested the Trump Administration rescind their unlawful deployment of troops in Los Angeles county and return them to my command.

We didn’t have a problem until Trump got involved. This is a serious breach of state sovereignty — inflaming tensions while… pic.twitter.com/tOtA5dcfxc

— Gavin Newsom (@GavinNewsom) June 8, 2025

Осы ретте Дональд Трамп елдегі наразылықтар аясында алдағы уақытта шерулер кезінде маска тағуға тыйым салынатынын мәлімдеді.

"Бұдан былай наразылық акцияларында маска тағуға рұқсат берілмейді. Бұл адамдар не жасырып жүр және не себепті?" – деп жазды ол Truth Social парақшасында.

#BREAKING #USA #CALIFORNIA #CA #LosAngeles

Riots spread to New York

🔴 CALIFORNIA :📹TOTAL CHAOS ERUPTS IN LOS ANGELES STREETS

due to Protests against deportation of illegal immigrants by ICE.
2000 National Guard soldiers were sent to the city,
dozens of people were arrested pic.twitter.com/bkwxrKSvOg

— LW World News (@LoveWorld_Peopl) June 8, 2025

Шетелдік БАҚ-тың жазуынша, иммиграциялық қызмет (ICE) заңсыз мигранттарды ұстау және депортациялау жұмыстарын белсенді жүргізуде. Мысалы, бір күнде 44 адам ұсталып, тағы бірі агенттерге қарсылық көрсеткені үшін қамалған. Бұл жағдайға наразы болған америкалықтар жаппай митингке шықты. Алайда жайт тәртіп сақшыларымен қақтығысқа ұласты. Жиналғандарды тарату үшін көз жасаурататын газ бен шу гранаталары қолданылғанымен, жағдай ушыға түсті.

Times газетінің дерегінше, наразылық кезінде британ фотографы Ник Стерннің аяғынан оқ тиіп жараланған.

Өз кезегінде Трамп иммиграциялық заңдардың орындалуына кедергі келтіретін наразылықтарды АҚШ үкіметіне қарсы "бүлік" деп атады.