Таяу Шығыстағы жағдайға байланысты үш ел әуе кеңістігін жапты

Ирак, Біріккен Араб Әмірліктері (БАӘ) және Бахрейн Таяу Шығыстағы ахуалға байланысты әуе кеңістігін жапты, деп хабарлайды Zakon.kz.

Flightradar24 қызметінің мәліметінше, БАӘ үстінен ұшуға тыйым салынған.

"Ұшу траекториялары мен диспетчерлік қызметтің аудиожазбаларына сүйенсек, қазіргі уақытта БАӘ-нің әуе кеңістігі жабық", – делінген X әлеуметтік желісіндегі (бұрынғы Twitter) қызмет парақшасында.

Flyadeal #F3513 appears to be the lone aircraft still deciding what to do now that Qatar and UAE airspace is closed. https://t.co/h9drqb0lDM pic.twitter.com/Js2tk23TuW

— Flightradar24 (@flightradar24) June 23, 2025

Сондай-ақ BNA агенттігінің хабарлауынша, Бахрейн билігі де әуе кеңістігін уақытша жапқанын мәлімдеді.

"Көлік және байланыс министрлігіне қарасты Азаматтық авиация басқармасы өңірдегі шиеленістің ушығуына байланысты Бахрейн Корольдігінің әуе кеңістігінде қозғалысты уақытша тоқтату туралы шешім қабылдады", – деп жазады агенттік.

Бұдан бөлек, Ирак та әуе кеңістігін жабатыны белгілі болды.

Авиация сарапшысы Алекс Мачерас X әлеуметтік желісінде бұл жағдайға қатысты пікір білдірді.

"Таяу Шығыстың әуе кеңістігі – әсіресе Иран мен Ирактың үстіндегі – әлемдегі ең маңызды әуе дәліздерінің бірі. Бұл – Еуропа мен Азияны тікелей байланыстыратын көпір. Ол жабылғанда, бүкіл әлемде кері әсері сезіледі", – деп жазды Мачерас.

Оның айтуынша, рейстер оңтүстікке қарай бағыт өзгертуде. Маршруттар ұзаруда. Жанармай шығыны артуда.

"Экипаж құрамдарының жұмыс уақыты ұзарады. Ұзақ қашықтыққа ұшатын тасымалдаушылар, әсіресе өте алыс бағыттарда жұмыс істейтіндер, бұл жағдайдың операциялық және қаржылық салдарын бірден сезінеді", – деді сарапшы.

Middle Eastern airspace — especially over Iran and Iraq — is one of the most critical aviation corridors in the world. It’s the direct bridge between Europe & Asia. When it closes, the ripple effects are felt around the world.

Flights are pushed further south. Routes become… pic.twitter.com/9oSmiW60d3

— Alex Macheras (@AlexInAir) June 23, 2025

Бұған дейін Катардың әуе кеңістігін ашқандығы хабарланған болатын.