Қостанай облысының тұрғыны тоқаш ішіне героин жасырып, түрмеге «сәлемдеме» жіберген, - деп хабарлайды ҚазАқпарат Қостанай облысы бойынша Қылмыстық-атқару жүйесі департаментіне сілтеме жасап.
«34 жастағы облыс тұрғыны 47 жастағы жазасын өтеушіге «сәлемдеме» жіберді. Өткізілгелі тұрған азық-түліктерді тексеру барысында мекеме мамандары тоқаш ішінен сарғыш түсті 4 түйіншекті тапты. Сот-химиялық сараптама нәтижесінде олардың есірткі заты - героин екені анықталды», - делінген таратылған хабарламада.
Ведомствоның баспасөз қызметінен мәлім еткендей, мекеме қызметкерлерінен қулығын асырмақ болған тұрғын жазасын өтеушіге 0,64 грамм героин өткізбек болған.
Аталған факті бойынша сотқа дейінгі тергеу шаралары басталды.
Фото: www.inform.kz