Гватемала президенті Джимми Моралес Израилдегі елшілігін Тель-Авивтен Иерусалимге көшіруге шешім қабылдағанын мәлімдеді, - деп жазады Sputnik Қазақстан РИА Новостиге сілтеме жасап.
"Бүгін (24 желтоқсан) Израилдің премьер-министрі Биньямин Нетаньяхумен сөйлестім… Маңызды мәселелердің бірі Гватемала елшілігін Иерусалимге қайтару болды. Сыртқы істер министріне осы орайда тиісті шаралар қабылдауға тапсырма бергенімді хабарлаймын", — деп жазды Моралес Facebook желісінде.
Израиль елу жыл бұрын Иерусалимді Иорданиядан қайтарып, кейін аннексиялаған еді. Көптеген ел аннексияны мойындамай отыр, сол себепті елшіліктердің басым бөлігі Тель-Авивте орналасқан.