Қырғызстан Президенті Астанаға ресми сапармен келді

Екі елдің көшбасшысы кеңейтілген құрамда келіссөздер өткізіп, екіжақты өзара іс-қимылдың және ЕАЭО аясындағы ынтымақтастықтың өзекті мәселелерін талқылайды.

Фото: 25 Желтоқсан 2017, , 14:05

Қырғызстан Президенті Сооронбай Жээнбеков Астанаға ресми сапармен келді, деп хабарлайды ҚазАқпарат.

Сапар аясында Жээнбеков Елбасы Нұрсұлтан Назарбаевпен шағын құрамда кездесу өткізеді деп жоспарланған.

Бұған дейін Қырғызстан Президентінің баспасөз қызметі екі елдің көшбасшылары кеңейтілген құрамда да келіссөздер өткізіп, онда екіжақты өзара іс-қимылдың және ЕАЭО аясындағы ынтымақтастықтың өзекті мәселелерін талқылайтындығын хабарлаған болатын.

Сапар қорытындысында бірқатар құжатқа қол қойылып, мемлекет басшылары бірлескен мәлімдеме қабылдайды деп күтілуде.

Қырғызстан Президенті ресми сапары аясында Қазақстанның Премьер-Министрі Бақытжан Сағынтаевпен де кездесуі жоспарланған.

Больше важных новостей в Telegram-канале «zakon.kz». Подписывайся!

СЕЙЧАС ЧИТАЮТ
ПОПУЛЯРНОЕ В СЕТИ