Астанада таксилердің нөмірі бірыңғай түске ауысады

Сонымен бірге алдағы уақытта қаладағы такси көліктері газға көшіріледі.

Фото: Хабар 2429 Желтоқсан 2017, , 17:20

Алдағы жылы Астанадағы таксилердің мемлекеттік нөмірлеріне бірыңғай түстер гаммасы қолданылмақ. Бұл туралы Хабар 24 елорда әкімдігінің медиа орталығына сілтеме жасап хабарлайды.

«2018 жылы таксилердің мемлекеттік нөмірлеріне бірыңғай түстер гаммасын қолдану бөлігінде өзгертулер мен толықтырулар енгізуді жоспарлап отыр. Әлемдік тәжірибе көрсеткіштері бойынша, дамыған барлық елде автомобиль таксилерімен жолаушылар мен багаждарды заңды тасымалдайтын такси көлік құралдарына мемлекеттік тіркеу нөмірлік белгілеріне бірыңғай түсті гамма қолданылады. Осындай жаңа енгізулер жолаушылар мен қадағалау органдарына заңсыз тасымалдаушылар арасында ресми таксилерді ажыратуға мүмкіндік береді», – делінген Жолаушылар көлігі басқармасының хабарламасында.

Сонымен бірге алдағы уақытта қаладағы такси көліктері газға көшіріледі.

Бүгінгі күні 150 көлікке газбалондық құрал орнатылды. 2018 жылы шамамен 500 такси автомобилін газға ауыстыру жоспарлануда.

Больше важных новостей в Telegram-канале «zakon.kz». Подписывайся!

СЕЙЧАС ЧИТАЮТ
ПОПУЛЯРНОЕ В СЕТИ