Қазақстан автокөліктерде жаңа латын әріптері пайда болды. Енді мемлекеттік нөмірлерден G, I, J, Q әріптерін көре аламыз. Бұл туралы әкімшілік полиция комитетінің баспасөз хатшысы Ирина Лукьянина-Костерева Facebook парақшасында жазды, деп хабарлайды Stan.kz.
«ҚР ЖСН 986-2012 ұлттық стандартына сәйкес техникалық сипаттамалардағы әріп таңбаларының қатарына «G, I, J, Q» латын әріптері енгізілді», – деп жазды Ирина Лукьянина-Костерева.
Сондай-ақ, халықаралық тәжірибеге сәйкес Қазақстанда автокөліктерге арналған тіркемелер мен жартылай тіркемелерге жаңа нөмірлік таңбашалар енгізілді.