Шығыс Қазақстан облысында жолда келе жатқан автокөлікті су ағызып әкетті. Оқиғаны куәгерлер видеоға түсіріп үлгерген, деп жазады Sputnik Қазақстан.
YouTube-те жарияланған роликте автокөлік жолын ағын су қатты екпінмен кесіп өтіп жатқаны көрінеді. Трассада келе жатқан жүргізушілер жол шетіне тоқтайды. Дегенмен, олардың бірі жолды кесіп өтуге бел байлайды. Автокөлікті лезде су ағызып әкеткен.
Кадр сыртындағы куәгерлердің бірінің сөзіне қарағанда, оқиға 26 мамыр күні Шемонаиха ауданындағы Выдриха ауылында жауыннан кейін болған.
Видеода бейәдеп сөздер бар.