Алматы тұрғыны мұсылмандардың қасиетті кітабы Құранды 16 млн теңгеге сатуда, деп хабарлайды BNews.kz.
Хабарлама иесінің айтуынша, кітаптың беттері нағыз алтынмен апталған.
"1877 жылғы сапарға арналған Құранды сатамын. Хижра бойынша 1299 жыл. Беттері алтынмен әшекейленген. Түпнұсқалық сертификаты бар", - делінген хабарламада.
Өз кезегінде әлеуметтік желі қолданушылары Құран кітабы сатуға арналмағанын айтып, жарнама иесін сынға алды. Олар қасиетті кітапты музейге немесе мешітке тапсыруға кеңес берді.