Солтүстік Қазақстан облысында 18 мамыр, жұма күні ауа райының күрт құбылатыны туралы ескерту жарияланды, деп хабарлайды ҚазАқпарат.
«Қазгидромет» РМК берген мәліметтерге қарағанда, өңірде солтіктен соққан желдің жылдамдығы секундына 15-20 метрге, кей жерлерде екпіні 23-28 м/с-қа жетеді.
«СҚО төтенше жағдайлар департаменті тұрғындарды төтенше жағдайлар кезінде сақ болуға шақырады», - делінген хабарламада.
Айта кетейік, өңірде бұл аптада ауа райына байланысты осымен екінші рет ескерту жарияланып отыр.