ҚР Президентінің ресми сайтында Мемлекет басшысының Қазақстан Республикасының Грузиядағы Елшісін тағайындау жөнінде Жарлығы жарияланды, деп хабарлайды Zakon.kz.
Елбасының Жарлығымен Бауыржан Мұхаметжанов Қазақстан Республикасының Грузиядағы Төтенше және Өкілетті Елшісі болып тағайындалды.
Хабарламада айтылғандай, Бауыржан Мұхаметжанов Қазақстан Республикасының Литва Республикасындағы Төтенше және Өкілетті Елшісі қызметінен, Қазақстан Республикасының Латвия Республикасындағы Төтенше және Өкілетті Елшісі қызметін қоса атқарудан босатылды.
Бауыржан Мұхаметжанов 26.11.1960 жылы дүниеге келген. 1983 жылы С.М. Киров атындағы Қазақ мемлекеттік университетінің заң факультетін бітірген. Заң ғылымдарының докторы (2008).
1997 жылдың қазан айынан бастап Қазақстан Республикасының әділет министрі, 2005 жылдан бастап Қазақстан Республикасы ішкі істер министрі, 22 желтоқсан 2011-20 қаңтар 2013 жылдары Маңғыстау облысының әкімі қызметін атқарған.