Қ.Қасымов: Пойыз машинисті қамауға алынған жоқ

ҚР Ішкі істер министрі Жамбыл облысындағы жолаушылар пойызы машинистінің қамауға алынғаны туралы ақпаратты жоққа шығарды.

Фото: BNews.kz19 Маусым 2018, , 12:47

ҚР Үкімет отырысында ҚР Ішкі істер министрі Қалмұханбет Қасымов Жамбыл облысындағы жолаушылар пойызы машинистінің қамауға алынғаны туралы ақпаратты растамады, деп хабарлайды Zakon.kz тілшісі.

"Қамауға алды деп кім айтты? Бұл нағыз жалған ақпарат, оны тергеп, сосын жібере салды", - деді ҚР Ішкі істер министрі.

Оның айтуынша, машинист кінәлі ме жоқ па, ол тергеу кезінде анықталады.

"Бұл қылмыстық іс қой. Сараптама жүргізіледі, мұның жауабын қазір ешкім айта алмайды", - деді Қ.Қасымов.

Өз кезегінде, ҚР Инвестициялар және даму вице-министрі Роман Скляр ешкімнің қамауға алынбағанын айтты.

"Жоқ, ешкім қамауға алынбады. БАҚ құралдары осы мәселеге баса назар аударатындығын ескерсек, менің ойымша, кінәліні іздемейтін болар", - деді ол.

Больше важных новостей в Telegram-канале «zakon.kz». Подписывайся!

СЕЙЧАС ЧИТАЮТ
ПОПУЛЯРНОЕ В СЕТИ