Мен Маңғыстаумен мақтанамын! Осындай эстафета еліміздің түкпір-түкпіріндегі және шет елде жүрген маңғыстаулықтарға жолданды, деп хабарлайды ҚазАқпарат облыс әкімдігіне сілтеме жасап.
"Руxы биік, тұлпары жүйрік талай шабандоздар шыққан маң мекен бүгінде ел мақтанышына айналды. Қойнауы кенге, күмбірі әнге толған қарт Каспийдің жағасы - мұнайшылар мен балықшылардың, чемпиондар мен зияткерлердің, кәсіпкерлер мен сапалы мамандардың бірлігі ұйысқан ордасы. Дәл осы бейнеүндеумен #МенМаңғыстауменМақтанамын атты эстафетаны еліміздің түкпір-түкпіріндегі және шет елдегі маңғыстаулықтарға жолдаймыз. Өз еліңнің және туған жеріңнің шынайы патриоты бол!" - делінген хабардамада.