Алматы қаласының автобустарына валидаторлар қайта орнатылады, деп хабарлайды Baq.kz ақпарат агенттігі.
«Колеса» сайтының мәліметінше, қолма-қол ақша қабылдайтын аппараттар 2019 жылы енгізілмек.
«Жақын арада Алматы автобустарының жүргізушілері жолаушылардан қолма-қол ақшаны қабылдамайтын болады. Енді бұл жұмысты валидаторлар атқармақ», - делінген ақпаратта.
Заманауи терминалдардың қайтып келетіні туралы Onay Pay компаниясының директоры Владимир Смирнов хабарлады.
Қазіргі таңда қолма-қол ақша қабылдайтын аппараттар жобаланып жатыр.
Әзірлеушілердің айтуынша, қоғамдық көліктер арасындағы жол-көлік апаттарының 90 пайызы жүргізушінің жолаушыларға билет немесе қайтарым ақшаны беру кезінде алаңдауынан болады екен. Яғни, валидаторлардың пайда болуы қоғамдық көлік жүргізушілерінің жұмысын азайтып, қауіп-қатер деңгейін төмендетуге мүмкіндік береді.