Ауыр салмақ дәрежесіндегі бұрынғы әлем чемпионы Майк Тайсон қазақстандық боксшы Геннадий Головкин мен мексикалық Сауль Альварестің қарымта кездесуі аяқтала салысымен, жекпе-жекке баға берді, деп жазады Stan.kz.
«Тамаша жекпе-жек. «Канело» жеңді. Керемет жекпе-жек болды», – дейді Майк Тайсон.
Сондай-ақ, ол өзінің «Канелоның» жанкүйері екенін айтты.
Айта кетсек, 16 қыркүйекте Лас-Вегастегі T-Mobile Arena-да 12 раундқа жоспарланған Головкин-“Канело” жекпе-жегі толық өтті. Кездесуде кімнің жеңіске жеткенін төрешілер шешіп, ұпай саны бойынша жеңісті Сауль Альвареске берді (115-113, 115-113, 114-114). Осылайша, отандасымыз Геннадий Головкин спорттық мансабында алғаш рет жеңіліс тауып, орта салмақ дәрежесіндегі WBA Super, WBC және IBO нұсқалары бойынша чемпиондық белбеулерінен айырылды.