Әлеуметтік медсақтандыру жүйесінде аймақтық медицина жұмысын жүйелеу үшін ІТ саласында тындырымды жұмыс қажет.
2019 жылдың 21 тамызында Түркістанда Әлеуметтік медициналық сақтандыру қоры Басқарма төрағасының орынбасары Эрик Байжүнісовтың қатысуымен Міндетті әлеуметтік медициналық сақтандыруды (МӘМС) енгізу жөніндегі өңірлік штабтың отырысы өтті.
Түркістан облысында медициналық қызметтердің 74 жеткізушісі медициналық сақтандыру қорымен келісім шарт жасасқан, яғни, олар МӘМС жүйесінде жұмыс істеуге дайын. Бұл – өңірдің медициналық мекемелерінің 90% - ын құрайды.
Облыс тұрғындары МӘМС-тің енгізілуіне байланысты өзгерістер жайында жақсы ақпараттанған. Алайда, медициналық сақтандыру шеңберінде қанағаттанарлық жүйелі жұмыс жүргізу үшін өңірлік медициналық мекемелерді цифрландыруға байланысты мәселелерді ретке келтіру қажет.
Мәселен, түркістандық медициналық ұйымдардың тек 67%-ы ғана Интернетті еркін қолдана алады. Өңірлік билік өкілдері осы мәселені жыл соңына дейін шешуге ықпал етпек.