Бүгін облыс әкімдігінің жалпы отырысында өңір басшысы Ғали Есқалиев өзінің екі жаңа орынбасарын таныстырды. Олар - Манкеев Мұхтар Наурызбайұлы және Егізбаев Серік Рахметоллаұлы, деп хабарлайды Zakon.kz БҚО әкімдігінің баспасөз қызметіне сілтеме жасап.
Мұхтар Манкеев кәсіпкерлік, өнеркәсіп және инвестициялар, ауыл шаруашылығы, ветеринария, жер қатынастары, туризм сынды бағыттағы мәселелермен шұғыланады.
Серік Егізбаев ішкі саясат, білім беру, жастар саясаты, мәдениет, дін және тілдерді дамыту сынды департаменттердің жұмысына жауапты болады.