Катонқарағай ауданындағы бес тірек ауылда инфрақұрылымдық жобалар іске асырылады. Мұндағы басты мақсат – елді мекендерді көркейтіп, халықтың әл-ауқатын арттыру. Бұл туралы аймақтық коммуникациялар қызметінде өткен брифингте Катонқарағай ауданының әкімі Ренат Құрмамбаев мәлім етті.
Катонқарағай ауданында Мемлекет басшысының тапсырмасы бойынша Елбасының «Ауыл – Ел бесігі» арнайы жобасын жүзеге асыру жұмыстары жалғастырылады.
– Аққайнар, Солдатова, Ново-Хайрузовка ауылының тұрғындары сапалы ауыз сумен қамтамасыз етілді. Бұл «Өңірлерді дамыту» бағдарламасы аясында іске асырылды, - деді аудан басшысы.
Биыл Алтынбел, Үлкен Нарын, Катонқарағай ауылдарында абаттандыру жұмыстары жүргізілді. Осы мақсатта 30 миллион теңге бөлінді. Оған балаларға арналған ойын алаңдары салынды. Бұдан бөлек workout алаңдары орнатылды.