Ақтөбе облысының Сыбайлас жемқорлыққа қарсы қызметі осыған дейін хабарлағандай, "ҚТЖ" АҚ филиалы Ақтөбе магистральдық желі бөлімшесінің Шалқар жол дистанциясының бастығы А.К.Каракушиковке қатысты сотқа дейінгі тергеу жүргізілген болатын, деп хабарлайды Zakon.kz.
Ол азаматтан баласын жұмысқа орналастырғаны үшін жалпы сомасы 1 млн 200 мың теңге көлемінде пара алды деген күдікке ілінген.
А.ж. 21 қарашада Шалқар аудандық сотының үкімімен аталған тұлға пара алғаны үшін айыпты болып танылып, оған өмір бойы мемлекеттік қызметте лауазым атқару құқығынан айыра отырып, 36 млн теңге айыппұл төлеу жазасы тағайындалды.