30 қарашада сағат 17.30 шамасында Тұрар Рысқұлов аудандық полиция бөлімінде 16-жастағы 11-сынып оқушысының мүрдесі өз үйінің сарайынан табылғаны туралы хабарлама келіп түсті, деп хабарлайды zakon.kz Жамбыл облыстық ПД баспасөз қызметіне сілтеме жасап.
Құқық қорғау органы марқұм оқушы тек жақсы жағынан көрінгенін, полицияның есебінде тұрмағанын айтады
- Қазіргі уақытта ҚР Қылмыстық кодексінің 105-бабы, 3-бөлігі, яғни "Өз-өзіне қол жұмсауға итермелеу" бойынша сотқа дейінгі тергеу амалдары жүріп жатыр. Барлық қажетті сараптама тағайындалды. Бұл факт Жамбыл облысы полиция департаменті басшылығының бақылауында, - дейді полициядағылар.