Финляндияның жаңа премьер-министрі, 34 жастағы ханым Санна Марин елде аптасына 4 күндік жұмыс тәртібі мен 6 сағаттық жұмыс күні тәртібін енгізуді ұсынды, деп хабарлайды lifter.com.ua.
- Төрт күндік жұмыс аптасы мен алты сағаттық жұмыс күні. Келесі қадам осындай неге болмасқа? Жұмыс күні 8 сағаттық болуы керек деген қатып қалған заң жоқ шығар? Меніңше, адамдар өз отбасымен, сүйікті жандарымен көбірек уақыт өткізіп, ол уақытты хоббиіне, немесе мәдениет сияқты өмірдегі басқа да маңызды нәрселерге арнағаны жөн болар. Бұл біздің жұмысымыз бен өміріміздегі жаңа кезең болуы мүмкін, - деген болатын Санна Марин көлік және қатынас министрі болып тұрған кезінде.
Қазір финн халқы аптасына бес күн сегіз сағаттан жұмыс істейді. Марин үкіметі құрған коалиция сынақ түрінде алты сағаттық жұмыс күнін енгізуді талап етті.