Қазақстан құрамасы мен алматылық "Қайраттың" капитаны Бауыржан Исламхан ертең Санкт-Петербургтің "Зениті" сапына қосылуға аттанады, деп хабарлайды zakon.kz Sports.kz-ке сілтеме жасап.
Ресей чемпионы қазір Катарда оқу-жаттығу өткізіп жатыр, жиын 25 қаңтарға дейін жалғасады. Соңғы күні ресейліктер австриялық "Ред Булл Зальцбург" клубымен жолдастық кездесу өткізеді. Дәл сол ойында Сергей Семак қазақ футболшысын алаңға шығарып, бабын байқап көруі мүмкін.
Өткен маусымда Исламхан "Кайрат" сапында 22 ойында жеті гол соқты, сегіз нәтижелі пас берді.