Павлодар облысы бойынша Экономикалық тергеу департаменті салық және бюджетке төленетін міндетті төлемдерді төлеуден жалтару фактісі бойынша азамат А. Б. Сеничевке қатысты сотқа дейінгі тергеуді жүргізді, деп хабарлайды zakon.kz.
Бұрын хабарланғандай, 2017 жылы халықаралық іздеу жарияланған А. Б. Сеничевке қатысты "күзетпен ұстау" бұлтартпау шарасы таңдалған. Ол қылмыстық қудалау органдарынан жасыру мақсатында Ресей Федерациясы азаматының жаңа төлқұжатын алып, өзінің тегін зайыбының тегіне ауыстырды. Алайда, барлық жасырынуға әрекеттелген күш-жігерге қарамастан, паспорттық бақылаудан өту кезінде ұсталды.
Павлодар қаласының №2 сотының үкімімен А. Б. Сеничев ҚР ҚК-нің 245-бабының 2-бөлігінің 2-тармағымен кінәлі деп танылып, оған 2 жыл мерзімге бас бостандығын шектеу түріндегі жаза тағайындалды.
2020 жылдың 27 ақпанында үкім заңды күшіне енді.
Қалған күдіктілер әлі күнге дейін халықаралық іздеуде.