13 наурызда қала әкімі Бақытжан Сағынтаев құрылыс материалдарын шығаратын құрылыс компаниялары мен кәсіпорындардың басшыларымен кездесті, деп хабарлайды zakon.kz.
Коронавирус пандемиясы мен әлемдік нарықтағы күрделі жағдайға байланысты қазіргі қалыптасқан ахуал басты мәселе ретінде талқыланды.
Экономиканың басқа салалары өкілдерімен өткізілген мұндай кездесулердің басты мақсаты ахуалды өзгертуге және дер кезінде жедел әрекет етуге дайындық болып табылады. Бұл импорттық материалдарды жеткізумен байланысты болуы мүмкін. Негізгі міндет – құрылыс қарқынын сақтап қалу, қызметкерлерді қысқартуға жол бермеу және тапсырыс берушілердің алдындағы міндеттемелерді уақтылы орындау.
Еске салсақ, бұрындары қала әкімі Б. Сағынтаев мұндай кездесулерді көлік, логистика, банк секторы, сауда кәсіпорындары, өнеркәсіп және өндіріс компаниялары салалары өкілдерімен өткізген болатын.