Алматы қаласы Қоғамдық денсаулық басқармасы коронавируспен көп дәрігерлер тіркелген №12 аурухананың бас дәрігерінің жұмыстан босатылуына қатысты түсінік берді, деп хабарлайды zakon.kz.
Биыл 14 сәуірде келіп түскен өтінішке сәйкес, Алматы қаласы Қоғамдық денсаулық басқармасы басшысының бұйрығымен Алматыдағы Орталық қалалық клиникалық ауруханасының меңгерушісі Алмаз Болатұлы Жувашев қызметінен босатылды, деп хабарлады басқармадағылар.
Медициналық ұйым басшысының міндетін бүгінгі таңда Абдуллаев Марат Шадыбайұлы атқарып жатыр.
Алмаз Жувашев 2019 жылдың мамыр айынан бастап №12-ші аурухананың меңгерушісі қызметін атқарды. Марат Абдуллаев 2019 жылдың желтоқсан айынан бастап Алматыдағы Орталық қалалық клиникалық аурухананың Колопроктология орталығының директоры болып тағайындалған.