ҚР Ұлттық экономика министрі Руслан Дәленов жыл басынан бергі төрт айдағы еліміздің әлеуметтік-экономикалық дамуының нәтижелері туралы баяндады, деп хабарлайды zakon.kz.
Тауар өндірісі 5,8% өсті. Сонымен бірге, қызмет көрсету саласы 4% төмендеді. Нәтижесінде жалпы ішкі өнім 0,2% төмендеді. Қызмет көрсету секторының төмендеуі карантиндік шектеулерге байланысты. Жылдық инфляция көлемі 6,8% құрады, - деді Даленов үкімет отырысында.
Оның айтуынша, 2020 жылдың сәуір айында өткен жылмен салыстырғанда қызмет көрсету саласында көрсеткіштер 17,5% -ке төмендеді.
"Атап айтқанда, биылғы сәуір айын өткен жылғы сәуір аралығындағы көрсеткіштермен салыстырғанда сауда және көлік қызметтері үштен бір, әкімшілік қызметтер 22,5% және жылжымайтын мүлікпен жасалатын операциялар 9,9% төмендеді", - деді Ұлттық экономика министрі.