Қазақстан 10 қыркүйектен бастап Өзбекстанмен және Қырғызстанмен арадағы әуе қатынасын қалпына келтіреді, деп хабарлайды zakon.kz.
Мұндай шешімді Коронавирус инфекциясының таралуын болдырмау жөніндегі ведомствоаралық комиссия қабылдады.
ҚР Индустрия және инфрақұрылымды дамыту министрлігінің баспасөз хатшысы Мадияр Уақпаев растағандай, бұл шешім бүгін түске таман қабылданды. Енді бір күннен кейін қазақстандықтар көршілес республикаларға сапарлай алады.
Ресеймен арадағы әуе қатынасы мәселесі, оның айтуынша, әлі күнге дейін анықталмаған және бұл мәселе ресейлік тараптың қабылдаған шешіміне байланысты.
Өзбекстанның Қазақстанмен арадағы тұрақты әуе рейстерін қалпына келтіруді жоспарлап отырғаны туралы ақпарат тамыздың соңында пайда болды.
Елімізге шетелден келу тәртібі Қазақстанның бас мемлекеттік санитарлық дәрігерінің 15 тамыздағы қаулысымен анықталды.