Қасым-Жомарт Тоқаев Мақсат Мұқановты қызметінен босатты, деп хабарлайды zakon.kz.
Мемлекет басшысының Өкімімен Мұқанов Мақсат Нұрдәулетұлы ҚР Президенті Әкімшілігінің әлеуметтік-экономикалық мониторинг бөлімінің меңгерушісі қызметінен босатылды, делінген Ақорда хабарламасында.
Мұқанов 1967 жылы Алматыда дүниеге келген. Абай атындағы Қазақ педагогикалық университетін және Ұлттық жоғары мемлекеттік басқару мектебін "Тарих, әлеуметтік ғылымдар және құқық" мамандығы бойынша тәмамдаған.
Еңбек еткен жылдары ол ҚР Индустрия және сауда министрінің көмекшісі, Қауіпсіздік Кеңесінің Талдау орталығы басшысының орынбасары, ҚР Президенті Әкімшілігінің әлеуметтік-экономикалық талдау бөлімінің бастығы, ҚР Президенті Әкімшілігінің Стратегиялық зерттеулер мен талдау орталығының басшысы болып жұмыс істеді.