Шымкент әуежайы аукционға қойылды, деп хабарлайды zakon.kz.
Электронды сауда платформасының сайтында осындай ақпарат орналастырылған. Ондағы ақпаратқа сәйкес, сатып алу құқығымен сенімгерлік басқаруға беру үшін тендер жарияланған.
Сауданың басталуы 8 қазанға жоспарланған.
Әуежайдың болашақ иесі үшін бірқатар шарттар тағайындалады. Мысалы:
- сенімгерлік басқару кезеңінде объектінің профилін сақтау;
- сенімгерлік басқару кезеңіне кем дегенде 6,0 млрд теңге инвестиция салу;
- әуежайдан маршруттық желіні дамыту есебінен объект ұсынатын жұмыстар мен қызметтердің көлемін ұлғайту және т.б.